काठमाडाैं । एभरेस्ट महिला भलिबल लिगमा कर्णाली यश्विसले मधेश युनाइटेडलाई ३–० को सोझो सेटमा हराएको छ ।
काठमाडाैंको त्रिपुरेश्वरमा रहेको राष्ट्रिय खेलकुद परिषद् (राखेप) को कभर्डहलमा हिजाे भएको खेलमा कर्णालीले मधेशलाई २५–१५, २५–१२ र २५–१७ ले हरायो । यस्तै अर्काे खेलमा ललितपुर क्विन्सले पहिलो हार बेहोरेको छ ।
खेलमा ललितपुरलाई पोखरा निन्जाजले ३–० को सोझो सेटमा हराएको हो । पोखराको यो पहिलो जित हो ।
गएको भदौ २० गतेदेखि पोखरामा शुरू भएको प्रतियोगिता लगत्तै २३ र २४ गतेको जेनजी आन्दोलनका कारण रोकिएको थियो । हिजाेदेखि प्रतियोगिता फेरि शुरू भएको हो ।
६ वटा टोली सहभागी प्रतियोगितामा शीर्ष २ मा रहने टोली फाइनलमा पुग्नेछन् । फाइनल खेल यही २९ गते हुनेछ ।