काठमाडाैं । मधेश प्रदेशका नवनियुक्त प्रदेश प्रमुख सुरेन्द्रलाभ कर्णले पद तथा गोपनीयताको शपथ ग्रहण गरका छन् ।
राष्ट्रपति भवन शीतल निवासमा आज आयाेजित कार्यक्रममा राष्ट्रपति रामचन्द्र पाैडेलले कर्णलाई शपथ गराएका हुन् ।
सरकारले प्रदेशमा असंवैधानिक काम गरेको आरोप लगाउँदै सुमित्रा भण्डारीलाई हिजाे बसेको मन्त्रिपरिषद् बैठकले बर्खास्ती गरेको थियो । साथै बैठकले नयाँ प्रदेश प्रमुखमा कर्णलाई नियुक्त गरेको थियो ।
भण्डारीले महोत्तरीको पानस होटलमा एमाले संसदीय दलका नेता सराेजकुमार यादवलाई मुख्यमन्त्रीमा नियुक्त गरी पद तथा गोपनीयताको शपथ गराएकाे घटना विवादित बनेकाे थियाे ।