एजेन्सी । दिल्लीको लालकिल्ला मेट्रो स्टेसन नजिक कार विस्फोट हुदा कम्तीपनी ११ जनाकाे ज्यान गएकाे छ । घटना प्रति विश्वका विभिन्न देशहरूले गहिरो दुःख र संवेदना व्यक्त गरेका छन् ।
भारतस्थित इरानको दूतावासले घटनामा सर्वसाधारणको ज्यान गएकाे र घाइते भएकाहरूप्रति दुःख व्यक्त गर्दै सामाजिक सञ्जालमार्फत लेखेको छ, ‘भारत सरकार र जनताप्रति हाम्रो गहिरो संवेदना । हामी पीडित परिवारहरूप्रति हार्दिक सहानुभूति व्यक्त गर्दछौं ।’ दूतावासले घाइतेहरूको शीघ्र स्वास्थ्य लाभको कामना पनि गरेको छ ।
बङ्गलादेशले पनि कार विस्फोटमा मारिएका भारतीयहरूप्रति संवेदना प्रकट गरेको छ । भारतस्थित बङ्गलादेशका उच्चायुक्त रियाज हमीदुल्लाहले ‘एक्स’मा लेखेका छन्, ‘हामी दिल्लीमा भएको कार विस्फोटका कारण भएको क्षति प्रति गहिरो शोक व्यक्त गर्छौं । हाम्रो प्रार्थना पीडित परिवारहरूसँग छ । यो कठिन समयमा बंगलादेश भारतसँगै उभिएको छ ।’
अस्ट्रेलियाका उच्चायुक्त फिलिप ग्रीनले पनि विस्फोटप्रति दुःख प्रकट गर्दै एक्समा लेखेका छन्, ‘दिल्लीको लालकिल्ला नजिक भएको घटनाबाट प्रभावित सबैप्रति गहिरो संवेदना। हामी मृतकका परिवारसँग ऐक्यबद्धता व्यक्त गर्छौं र घाइतेहरूको छिटो स्वास्थ्य सुधारको कामना गर्छौं ।’
फ्रान्सका राजदूत थिएरी माथुले पनि आफ्नो संवेदना व्यक्त गर्दै भनेका छन्, ‘फ्रान्स सरकार र जनताको तर्फबाट लालकिल्ला विस्फोटमा ज्यान गुमाउनेप्रति गहिरो श्रद्धाञ्जली । हाम्रो सहानुभूति पीडितका परिवारहरूसँग छ र घाइतेहरूको शीघ्र स्वास्थ्य लाभको कामना गर्दछौं ।