गोरखा । गोरखामा हिजाे राती भएको माईक्राेबस दुर्घटनामा परेकाे छ । जिल्लाकाे सिरानचोक गाउँपालिका–४, चोरकाटेस्थित घुम्तीमोडमा भएको माईक्रोबस दुर्घटना हुदा चालकसहित १७ जना यात्रु घाइते भएका छन् ।
शनिबार साँझ करिब ८ बजे भच्चेकबाट आबुखैरेनीतर्फ जाँदै गरेको बा ४ ख ६०४३ नम्बरको माईक्रोबस दुर्घटनामा परेको जिल्ला प्रहरी कार्यालय गोरखाका सूचना अधिकारी एवं प्रहरी नायव उपरीक्षक राजकुमार श्रेष्ठले जानकारी दिए ।
ब्रेक फेल भएर माइक्रोबस अनियन्त्रित भई सडकको दाहिनेपट्टिको भित्तामा ठोक्किएर दुर्घटना भएको उनको भनाई छ । दुर्घटनामा परि ८ वर्षीया स्वरिनल चौधरी, ४३ वर्षीया लक्ष्मी चौधरी र ३६ वर्षीया पवित्रा महत्तो गम्भीर घाइते भएका छन् ।
दुर्घटनाको जानकारी पाएलगत्तै प्रहरीको टोली घटनास्थलमा पुगेर घाइतेहरुको उद्दार गरि उपचारका लागि प्रदेश अस्पताल गोरखामा ल्याइएको प्रनाउ श्रेष्ठले बताए ।
साेही दुर्घटनामापरी जमुना कुमारी महत्तो, सुमी चौधरी, सबिना चौधरी, जियानी चौधरी, प्रमिला चौधरी, रेश्मा चौधरी, मिना चौधरी, युविन चौधरी, सुदिर अधिकारी, मिरा अधिकारी, बिना चौधरी, ज्ञानु चौधरी, लक्ष्मी चौधरी र अप्सरा बडतौला घईते भएका छन् ।
घाइतेहरु अधिकांस चितवनको खैरेनी नगरपालिका घर भएको खुल्न आएको प्रहरीले जनाएको छ । उक्त माइक्रोबसमा १९ जना यात्रु सवार थिए ।