कपिलवस्तु । लुम्बिनी-तौलिहवा सडकखण्डको लवनीमा भएको मोटरसाइकल दुर्घटनामा परी १ जना प्रहरी जवानको ज्यान भएको छ । ज्यान गुमाउनेमा रूपन्देही जिल्ला रोहणी गाउँपालिका- ७ निवासी हाल प्रहरी चौकी कोपवा कपिलवस्तुमा कार्यरत प्रहरी सहायक हवल्दार राम विलास यादव भएको कपिलवस्तु प्रहरीले पुष्टी गरेकाे हो ।
सुद्धोधन गाउँपालिका–३ गाउँपालिका कार्यालय नजिक २ वटा मोटरसाइकल आपसमा ठोक्किँदा लु ८३ प ७६९२ नम्बरको मोटरसाइकलमा सवार यादवको घटनास्थलमै ज्यान गएको प्रहरी नायब उपरीक्षक रिपेन्द्र कुमार सिंहले बताए । अर्को व्यक्ति गम्भीर घाइते भएकाे पनि उनले जानकारी दिए ।
सिंहका अनुसार मृतक सहायक प्रहरी हवल्दार यादव कार्यको सिलसिलामा रहेको बेला दुर्घटनामा परि ज्यान गएको हो। प्रहरीले दुर्घटनाकाे अनुसन्धान सुरु गरेकाे जनाएको छ ।