काठमाडौं। माओवादी केन्द्र परित्याग गरेका जनार्दन शर्मा, एकीकृत समाजवादी महासचिव घनश्याम भूसाल र नेकपा माओवादीका महासचिव नेत्रविक्रम चन्द विप्लवले राजनीतिक सहकार्य गर्ने भएका छन् ।
शुक्रबार बिहान भएको भेटपछि ३ नेता मुलुकको राजनीतिक अन्योललाई सम्बोधन गर्ने गरी सहकार्य गर्न तयार भएका हुन् ।
शर्मा र भूसाल शुक्रबार बिहानै हरिसिद्धीस्थित विप्लवनिवास पुगेका थिए । त्यहाँ उनीहरूबीच मुलुकको पछिल्लो राजनीतिक परिस्थिति, कम्युनिष्ट पार्टीहरूबीच सहकार्यलगायतका विषयमा छलफल भएको बुझीएकाे छ ।
उनहरुले सहकार्यका लागि एकताबद्ध जनाएकाे तर त्यसलाई एकीकरण भन्न नमिल्ने एक नेताले बताए ।
विप्लवले शुक्रबार काठमाडौंको भृकुटीमण्डपमा अन्तरिम सरकार निर्माण लगायतको मागसहित र्याली र जनसभा गरेका थिए । सभामार्फत् उनले सच्चा कम्युनिष्ट पार्टीहरूबीच एकता आवश्यक रहेको समेत बताएका थिए ।
