काठमाडाैं । नेपाली क्रिकेट टोली स्वदेश फर्किएको छ । १ महिनाभन्दा लामो समय विदेश भ्रमणपछि नेपाली क्रिकेट टिम शुक्रबार स्वदेश फर्किएको हो ।
उनीहरुलाई खेलकुदमन्त्री बब्लु गुप्ता, क्यानका सचिव पारस खड्का लगायतले स्वागत गरेका थिए । नेपाली टोली असोजको दोस्रो साता युएई पुगेको थियो ।
त्यहाँ वेस्ट इण्डिजसँग ३ खेलको टी-२० सिरिज खेलेको थियो । त्यसमा पहिलो २ खेल जितेको नेपालले अन्तिम खेल गुमाएको थियो । तर टी-२० सिरिज भने कब्जा गर्न नेपाल सफल भएको थियो ।
त्यसपछि नेपाली टोली ओमान प्रस्थान गरेको थियो । त्यहाँ आइसिसी टी-२० विश्वकप २०२६ को एसिया छनोट खेल्यो ।
एसिया छनोटमा नेपालले अपराजित रहँदै विश्वकपमा स्थान पक्का गर्यो । समूह चरणका २ र सुपर सिक्समा ५ खेल जितेको नेपाल प्रतियोगिताको च्याम्पियन नै बन्यो ।
त्यसपछि नेपाली टोली पुनः युएई फर्किएको थियो । युएईमा आइसिसी विश्वकप लिग-२ को खेलमा अमेरिका र घरेलु टोलीसँग खेल्यो ।
२ देशसँग २-२ खेल खेलेको नेपाल सबै खेलमा पराजित भएको थियो । लिग-२ खेलेर नेपाली टोली स्वदेश फर्किएको हो ।