अर्घाखाँची । जिल्लाकाे दुर्गाफाँटमा मोटरसाइकल दुर्घटना हुँदा २ जनाको ज्यान गएको छ । साेही दुर्घटनामा १ जना घाइते भएकाे जिल्ला प्रहरी कार्यालय अर्घाखाँचीले जनाएकाे छ ।
पाणिनी गाउँपालिका–३ दुर्गाफाँटमा हिजो बेलुका ३ जना चढेको ना ३६ प ३५०९ नम्बरको मोटरसाइकल दुर्घटना हुदा मोटरसाइकलका चालक पाणिनी–४ निगालीका १८ वर्षीय गौतम विक र मोटरसाइकल पछाडी बसेका २४ वर्षीय सागर विकको ज्यान गएको जिल्ला प्रहरी कार्यालयका प्रहरी नायव उपरिक्षक दिवस जिसीले बताए ।
उनका अनुसार घाइते भएका २५ वर्षीय सन्तोष घर्तीको गुल्मीको खर्ज्याङमा रहेको अस्पतालमा उपचारपछि थप उपचारका लागि पाल्पा पठाइएकाे छ ।