दोलखा । रोल्वालिङ क्षेत्रमा हिमपहिरो जाँदा ३ जनाकाे ज्यान गएकाे छ भने अन्य ८ जना पर्यटकहरु बेपत्ता भएका छन् । साेही पहिरोमा परेर ४ जना पर्यटक घाइते भएकाे जिल्ला प्रहरी कार्यालय दाेलखाल जनाएकाे हाे ।
गत कात्तिक ११ गते दोलखाको गौरीशंकर गाउँपालिका-९ मा पर्ने रोल्वालिङ क्षेत्रमा रहेको ५ हजार ६३० मिटरको यलुङ रि हिमाल आरोहणका लागि १५ जनाको टोली गएका थिए । उनीहरू सोमबार बिहान ८ बजेतिर हिमपहिरोमा परेकाे प्रहरी नायब उपरीक्षक ज्ञानकुमार महतोले बताए । १५ जनाको टोलीहरूमा को के भए भनेर पहिचान खुल्न नसकेको उनले जानकारी दिए ।
उनीहरूको उद्धारका लागि स्थानीय प्रशासनले हेली एभरेस्टलाई निषेधित क्षेत्रमा उडानका लागि अनुमति दिएको छ । प्रतिकूल मौसमका कारण घटनास्थलमा हेलिकोप्टर पुग्न सकेको छैन ।
नेपाली सेना, सशस्त्रको टोली र प्रहरीका टोलीहरूद्वारा उद्धारका लागि प्रयास भइरहेको पनि प्रहरी नायब उपरीक्षक ज्ञानकुमार महतोले जानकारी दिए ।