काठमाडौं । वैदेशिक रोजगारीमा लैजाने भन्दै रकम ठगी गरेकाे आराेपमा प्रहरीले १ जनालाई पक्राउ गरेकाे छ । पक्राउ पर्नेमा भक्तपुर मध्यपुर थिमि नगरपालिका-१ बस्ने धनुषा जनकनन्दिनी गाउँपालिका-३ घर भएका ३१ वर्षीय राहुल पुन्ज भएकाे प्रहरीले जनाएकाे छ ।
आकर्षक तलबको प्रलोभनमा पारी युके पठाइदिन्छु भन्दै राहुलले पिडितबाट ४२ लाख रुपैयाँमा ठगी गरेको आराेपमा पक्राउ गरेकाे उपत्यका अपराध अनुसन्धान कार्यालय टेकुले जनाएकाे हाे ।
राहुलले पीडितबाट रकम लिएर सम्पर्कबिहीन भएपछी उजुरी दिएको र प्रहरीले उजुरीकाे आधारमा काठमाडौं महानगरपालिका-११ बाट पक्राउ गरेको हो ।
उनलाई आवश्यक अनुसन्धान तथा कारवाहीको लागि वैदेशिक रोजगार विभाग ताहाचल काठमाडौं पठाइएको पनि उपत्यका अपराध अनुसन्धान कार्यालय टेकुले जनाएकाे छ ।