मनाङ । ङिस्याङ गाउँपालिका–९ तिलिचो तालको बेश क्याम्पमा अलपत्र परेका आन्तरिक पर्यटकको आज उद्दार गरिएको छ । सशस्त्र प्रहरी बल नेपालले बेस क्याम्पमा पसेका थप ११ जना शनिबार बिहान ६ बजे सशस्त्र प्रहरी बलले उद्धार गरेकाे सशस्त्र प्रहरी बल नेपालका सह-प्रबक्ता शैलेन्द्र थापाले जानकारी दिए ।
यस अघि २ जना चिनियाँ नागरिक र १३ जना नेपाली गरी जम्मा १५ जना पर्यटक हिमपातको कारण तिलिचो तालको बेश क्याम्पमा अलपत्र परेको खबर प्राप्त भएकोमा २ चिनियाँ र ११ नेपाली गरि १३ जना मात्र रहेको फेला परेपछी उनीहरुकाे उद्धार गरिएकाे सह-प्रबक्ता थापाले बताए ।
उनीहरु अलपत्र परेको भन्ने जानकारी पाउनासाथ सशस्त्र प्रहरी बल नेपाल पर्वतीय उद्धार तालिम शिक्षालय मनाङबाट सशस्त्र प्रहरी उपरीक्षक टोपबहादुर डाँगीको कमाण्डमा विपद् व्यवस्थापन तालिम प्राप्त सुरक्षा फौज र मेडिकलसहितको टोली उनीहरुको उद्धारको लागि हिजो कार्तिक १४ गते त्यस तर्फ गएको थियो ।
पर्वतीय उद्धार तालिम शिक्षालय मनाङबाट पैदल गएको सुरक्षा फौजले शनिबार बिहान ११ नेपालिलाइ चामे तर्फ ल्याउंदै गरेको पनि उनले जानकारी दिए । चिनियाँ नागरिक भने मौसम केही खुलेकोले भ्रमण पूरा गर्ने भन्दै बेश क्याममानै बसेकाे पनि उनले बताए ।
उद्धार गरिएका ११ मध्ये १ जना महिला र १ जना पुरुषको खुट्टामा चोट लागेको तथा सबै जनामा अक्सिजन लेबल कम रहेको पाइएको छ । उनीहरुलाई उपचारकाेलागि स्वास्थ्य संस्था तर्फ लाने तयारी भइरहेकाे पनि सह-प्रबक्ता थापाले जानकारी दिए ।
तस्बिर सशस्त्र प्रहरी बल नेपाल