भरतपुर । भरतपुरको टिकौली जङ्गलमा रोकिराखेको ट्रकमा २ वटा बस ठोक्किँदा ३३ जना घाइते भएका छन् ।
गएराति इँट्टा भरेर पार्किङ गरिराखेको ना ६ ख ८१३ नम्बरको ट्रकमा गौरबाट काठमाडाैंको लागि छुटेको बस र त्यही बसमा जनकपुरबाट काठमाडाैंको लागि छुटेको अर्को बस समेत ठोक्किएको थियो ।
दुर्घटना लगत्तै सशस्त्र प्रहरी बल, नेपाल नं. १७ गण आँपटारी चितवनबाट खटिएको टोलीले घाइतेहरुलाई उद्धार गरी उपचारका लागि अस्पताल पठाएको सशस्त्र प्रहरी बल नेपालका सशस्त्र प्रहरी नायब उपरिक्षक एवं सह-प्रबक्ता शैलेन्द्र थापाले जानाकारी दिए ।
उनका अनुसार घाइतेहरुमध्ये चितवन मेडिकल कलेजमा १५ जना, नेशनल सिटी अस्पतालमा १३ जना र भरतपुर अस्पतालमा ५ जनाको उपचार भइरहेको छ । दुर्घटनापछि केही समय अवरुद्ध भएको सडक सञ्चालनमा आएको छ ।
तस्बिर : सशस्त्र प्रहरी बल
