बैतडी । बैतडीमा हिजाे राति भएको जिप दुर्घटनामा परी १ जनाकाे ज्यान गएकाे छ भने अन्य ४ जना घाईते भएका छन् ।
शिवनाथबाट मेलालीतर्फ आइरहेको से १ ज ७३२ नम्बरको जीप मेलौली नगरपालिका-७ स्वाखानीमा गए राति दुर्घटना भएकाे बैतडी प्रहरीले जनाएकाे हाे ।
दुर्ईटनामा गम्भीर घाइते भएका मेलाली नगरपालिका–२ की २३ वर्षीय तुलसी पाण्डेयको केशरपुर प्राथमिक स्वास्थ्य केन्द्रमा उपचारका क्रममा ज्यान गएको जिल्ला प्रहरी कार्यालय बैतडीले जनाएकाे छ ।
अन्य घाइतेहरुलाई थप उपचारका लागि डडेल्धुरा अस्पताल पठाइएको पनि प्रहरी जनाएकाे छ ।