गाेरखा । पृथ्वीराजमार्ग अन्तर्गत तनहुँको आँबुखैरेनी–मुग्लिन सडकखण्ड आज राति २ घण्टा पूर्ण रूपमा बन्द हुने भएको छ ।
आँबुखैरेनी गाउँपालिका–४ साँखरमा भूकम्प प्रतिरोधकता परीक्षणका लागि राति १२ बजेदेखि २ बजेसम्म सडकखण्ड पूर्ण रूपमा बन्द हुने जिल्ला प्रशासन कार्यालय तनहुँले जारी गरेकाे सूचनमा उल्लेख गरिएकाे छ ।
साँखरमा पहिरो नियन्त्रणका लागि भूकम्प प्रतिरोधकता परीक्षण अध्ययन गर्नुपर्ने भएकाले सडक बन्द गरिकाे कार्यालयले जारी गरेकाे सूचनमा भनेकाे छ । गएको असोज १८ गते सडक भाँसिएको त्यो खण्ड अहिले एकतर्फी रूपमा सञ्चालनमा छ ।
यसअघि २०७९ साल जेठ २७ गते त्यही ठाउँमा सडक भासिएपछि भित्ता काटेर मस्र्याङ्दी नदीतर्फबाट कंक्रिटकाे पर्खाल उठाइएको थियो । कंक्रिट पर्खाल भत्किएर सडक भाँसिएका कारण सडक एक तर्फी भएकाे हो ।
