काठमाडाैं । आज ३ वटा प्रदेशको पहाडी तथा हिमाली केही स्थानमा हल्का वर्षा र हिमपातको सम्भावना छ । जल तथा मौसम पूर्वानुमान महाशाखाका अनुसार कोशी, बागमती र गण्डकी प्रदेशका पहाडी तथा हिमाली क्षेत्रकाे केही स्थानमा हल्का वर्षा र हिमपातको सम्भावना रहेको हो ।
सबै प्रदेशको पहाडी भागमा आज मौसम आंशिक बदली छ । अरू ठाउँको मौसम मूख्यतया सफा नै रहेको महाशाखाले जनाएको छ । आजराति कोशी, बागमती र गण्डकी प्रदेशको पहाडी भागमा मौसम आंशिक बदली तथा बाँकी भागमा मूख्यतया सफा रहने अनुमान छ ।
महाशाखाका अनुसार गण्डकी प्रदेशको पहाडी तथा हिमाली भागका केही स्थानमा आजराति हल्का वर्षा/हिमपातको सम्भावना रहेको छ ।