काठमाडौं । पूर्वराष्ट्रपति विद्यादेवी भण्डारीको घर आगजनी गर्ने पक्राउ परेका छन् । पक्राउ पर्नेमा सोनाम थेबे भएकाे जिल्ला प्रहरी परिसर काठमाडौंका एसपी तथा प्रवक्ता पवनकुमार भट्टराईले बताए ।
उनलाई धुम्बाराही क्षेत्रबाट पक्राउ गरिएको हाे । थेबे नेकपा एमालेकै भातृ संगठन युवा संघ नेपालका कार्यकर्ता रहेको अपुष्ट जानकारी प्राप्त भएकाे छ ।
यता युवा संघका प्रवक्ता निरोज पौडेलले भने विज्ञप्ती जादै गर्दै थेबे युवा संघमा नरहेको दाबी गरेका छन् ।
थेबे सहितका व्यक्तिले जेनजी आन्दोलनको क्रममा २४ भदौमा बुढानीलकण्ठ भंगालस्थित भण्डारीको आगजनी गरेकाे भिडियाे तथा फाेटाेहरु नेपाल प्रहरीले प्राप्त गरेकाे छ ।
जेनजी आन्दोलनका क्रममा उनी रविकिरण हमालसँगै हेल्मेट लगाएर उभिएको भिडिओ समेत सार्वजनिक भएको छ ।