कञ्चनपुर । आतंकारी हमासले मारेका नेपाली बिपिन जाेशीकाे आज राजकिय संम्मानका साथ अन्त्यष्टी गरिएकाे छ । हमासले टाउकाेमा गाेली हानेर हत्या गरेकाे जाेशीकाे महाकाली नदीमा रहेकाे भुजेलाघाटमा अन्त्येष्टी गरिएकाे हाे ।
दुई वर्षदेखि विपीनको सकुशल रिहाइको प्रतिक्षामा बसेका नेपालीहरुलाई याे कुराले भने स्तब्ध बनाएकाे छ । जाेशीको पार्थिव शरीरमा कञ्चनपुरका प्रमुख जिल्ला अधिकारी लक्ष्मण ढकालले राष्ट्रिय झण्डा ओढाएर सम्मान व्यक्त गरेका थिए । त्यसपछि सशस्त्र प्रहरी बलको एक टुकुडीले विपीनलाई शाेक सलामी अर्पण गरेकाे थियाे ।
इजरायलले उल्लेख गरेको ‘फरेन्सिक रिपोर्ट’ अनुसार इजरायल–हमास युद्धमा हमासले बन्धक बनाएर टाउकोमा गोली हानी विपीनको हत्या गरेको हाे ।
कृषि विज्ञानतर्फ स्नातक तहको अध्ययनका सिलसिलामा विपीनलगायतका नेपाली विद्यार्थीको टोली इजरायल पुगेका थिए । त्यही क्रममा हमासले इजरायलमा आक्रमण गर्नुका साथै विपीनलाई अपहरण गरी लगेकाे थियाे ।
विपीनको खोजीका लागि राष्ट्रिय र अन्तर्राष्ट्रिय स्तरमा दबाव बढाइए पनि अन्ततः उनी जीवित नभएको हमासले बताएको थियो ।
नेपालका लागि इजरायली राजदूत समुलिक एरी बासले भुजेलाघाटमै पुगेर इजरायली राष्ट्रपतिको शोक सन्देश सुनाउँदै इजरायली झण्डा विपिनको शवमा ओढाए ।
शवयात्रामा जनप्रतिनिधि, इजरायली राजदूतसहितको टोली, विपीनका इष्टमित्र, आफन्तजन र सर्वसाधारणहरु ठूलाे संख्यामा सहभागि भएका थिए ।