एजेन्सी । हङकङ अन्तर्राष्ट्रिय विमानस्थलको धावनमार्गमा स्किड भएर एउटा कार्गो विमान समुद्रमा खसेको छ । स्थानीय सञ्चार माध्यमका अनुसार यस दुर्घटनामा परी २ जनाको ज्यान गएको छ ।
एमिरेट्सको उडान नम्बर ईके९७८८ (एरोट्रान्सकार्गो) दुबईबाट स्थानीय समयअनुसार बिहान करिब ०३:५० बजे अवतरण गर्ने क्रममा उत्तरी धावनमार्गमा एउटा गाडीमा ठोक्किएको थियो ।
नागरिक उड्डयन विभागका अनुसार दुर्घटनापछि विमानस्थलको जमिनमा कार्यरत २ जना कर्मचारी समुद्रमा खसेका थिए । उनीहरूको उद्धार गरिए पनि पछि अस्पतालमा ज्यान गएको सार्वजनिक प्रसारण संस्था आरटीएचके लगायत स्थानीय सञ्चार माध्यमले प्रहरीलाई उद्धृत गर्दै जनाएकाे हाे ।
विमानमा सवार ४ जना चालक दलका सदस्य भने सकुशल उद्धारपछि उपचारका लागि अस्पताल भर्ना गरिएकाे छ । दुर्घटनापछि प्रभावित उत्तरी धावनमार्ग बन्द गरिएको छ ।
विमानस्थलका अन्य २ धावनमार्ग भने सञ्चालनमा रहेका छन् । विमानस्थल प्राधिकरणले स्थानीय समयअनुसार बिहान १०:०० बजे पत्रकार सम्मेलन गर्ने तयारी गरेको छ । राम्रो सुरक्षा रेकर्ड रहेको यस विमानस्थलमा यस्तो दुर्घटना बिरलै हुने गरेको छ ।