काठमाडाैं । इजरायल र हमास लडाकु समूहबीचको युद्धकाक्रममा मारिएका नेपालका विपीन जोशीको शव आज स्वदेश ल्याइँदैछ । परराष्ट्र मन्त्रालयका अनुसार कञ्चनपुरका जोशीको शव फ्लाई दुबईको विमानमार्फत् आज दिउँसो काठमाडाैं आइपुग्ने छ ।

विपीनप्रति श्रद्धाञ्जली अर्पण गर्न प्रधानमन्त्री, मन्त्रीहरु र परराष्ट्र मन्त्रालयका अधिकारीहरु पनि सहभागी हुने कार्यक्रम रहेकाे छ । अध्ययनका लागि इजरायल पुगेका जोशी सन् २०२३ अक्टोबर ७ तारिखमा हमासले किबुत्ज क्षेत्रमा गरेको आक्रमणको क्रममा बन्धक भएको र त्यसपछि अवस्था थाहा हुन नसकेकोमा गएको असोज २७ मा इजरायली अधिकारीले ज्यान गएको बताएका थिए ।

इजरायल र हमासबीच युद्धविराम सम्झौतापछि बन्दी साटासाट गर्ने क्रममा हमासले विपीनको शव इजरायली सेनालाई हस्तान्तरण गरेको थियो । उनको शव नेपाल ल्याउनुअघि इजरायलको राजधानी तेल अवीवमा श्रद्धाञ्जली अर्पण गरिएको थियो ।

विपीनकाे शव काठमाडाैंबाट नेपाली सेनाको समन्वयमा घरसम्म पुर्‍याउने परराष्ट्र मन्त्रालयले जनाएको छ ।

लेखकबाट थप:

• साताकाे तेस्राे दिन पनि सुन चाँदिकाे मूल्य घट्याे (कतीमा काराेबार हुदै छ)
• आजदेखि मुस्ताङकाे घरपझोङमा जलवायु सम्मेलन हुदै
• नेपाल राष्ट्र बैंकले मंगलबारकाे लागि निर्धारण गरेकाे विदेशी मुद्राको विनिमयदर
• आजकाे माैसम : ३ प्रदेशमा भारी वर्षाको सम्भावना
• सुन ताेलामा ११ सयले घट्याे