कैलाली । कैलालीमा मलामी बोकेको ट्याक्टर दुर्घटना हुँदा ३ जनाकाे ज्यान गएको छ भने अन्य १२ जना घाइते भएका छन् ।
बर्दगोरिया गाउँपालिका–४ बाट चिसापानीतर्फ गइरहेको सुदूरपश्चिम प्रदेश ०१-००२ त ४९५१ नम्बरको ट्याक्टर लम्कीचुवा नगरपालिका अन्तर्गत पर्ने धोबेनी खोलामा आज दुर्घटनामा परेको जिल्ला प्रहरी कार्यालय कैलालीले जनाएकाे हो ।
दुर्घटनामा परी बर्दगोरिया गाउँपालिका–४ का ६४ वर्षीय दानबहादुर साउद, ३४ वर्षीय हर्क साउद र १६ वर्षीय शीतल साउदको घटनास्थलमै ज्यान गएको प्रहरी नायब उपरिक्षक टेकबहादुर जाेराले बताए ।
उनका अनुसार साेही दुर्घटनामा अन्य १२ जना घाइते भएकाे र त्यस मध्ये पनि ४ जनाकाे अवस्था गम्भीर रहेकाे छ । घाइतेहरूकाे स्थानीय अस्पतालमा उपचार भइरहेको प्रहरीले जनाएको छ ।
ट्याक्टर दुर्घटनाका सम्वन्धमा प्रहरीले अनुसन्धान थालेकाे उनले बताए ।