गाेरखा । चितवनकाे सडक दुर्घटनामा परेका पुस्तक ब्यवसायी संघ गाेरखाका अध्यक्ष दामाेदर घिमिरेकाे निधन भएकाे छ । दुर्घटनामा परेका घिमिरेकाे उपचारकाे क्रममा आज दिउसाे निधन भएकाे हाे ।
घिमिरेलाई भरतपुर महानगरपालिका-१ रामनगरस्थित सडकमा बा.प्र.०१-००१ प १६८४ नम्बरको बसले १२:४५ बजे ठक्कर दिएकाे चितवन प्रहरीले जानकारी दिएकाे छ ।
चितवनमा रहेकाे भाईकाे घरबाट गाेरखा तर्फ फर्कने क्रममा उनी चढेकाे ग.२० प ८५५९ नम्बरको स्कुटरलाई बिहीबार दिउँसो ठक्कर दिँदा घिमिरे गंभिर घाईते भएका थिए । उनकाे उपचारकै क्रममा दिउसाे १:३५ बजे निधन भएकाे चिकित्सकलाई उदृत गर्दै चितवन प्रहरीले जनाएकाे छ ।
घाइते घिमिरेको नयाँ मेडिकल कलेज भरतपुरमा उपचारको क्रममा निधन भएको हो । बस र बसका चालकलाई प्रहरीले नियन्त्रणमा लिएको छ । घिमिरेकाे शवलाई अहिले पाेष्टमार्टमकालागि भरतपुरकाे सरकारी अस्पतालमा राखिएकाे छ ।
बिगत लामाे समयदेखी घिमिरेले गाेरखा बजारमा चिन्तन बुक्स एण्ड स्टेशनरी पसल सञ्चालन गर्दै आएका थिए । संघले उनकाे निधन प्रति गहिराे समावेदना ब्यक्त गर्दै दुर्घटनामा संलग्न बस चालकलाई कानूनी दायरामा ल्याउन पनि चितवन प्रहरीलाई आग्रह गरेकाे छ ।
रामनगरकाे प्रहरी चाैकी अगाडी भएकाे उक्त दुर्घटनाका सम्बन्धमा प्रहरीले आवश्यक अनुसन्धान गरिरहेको जनाएकाे छ ।