चितवन । चितवनको रत्ननगर एक दाना उद्योगको पर्खाल भत्किँदा गाेरखा घर भएका १ जना सहित ३ जनाको ज्यान गएको छ । साेही घटनामा परी अन्य २ जना घाइते भएका छन् ।
आज बिहान नगरपालिका वडा नं. १२ शान्तिकुञ्ज टोलमा रहेका किसान दाना उद्योगको पर्खाल भत्किँदा उद्योगमा काम गर्ने मजदुरहरुको ज्यान गएको चितवन प्रहरीले पुष्टी गरेकाे हाे ।
ज्यान गुमाउनेहरुमा गोरखा घर भई रत्ननगर १२ बस्ने ५४ वर्षका रेशम दराई, चितवन खैरहनी नगरपालिका-२ का ४५ वर्षका शुकराम दराई र रत्ननगर नगरपालिका-१२ बस्ने ४५ वर्षका कमल गुरुङछन् ।
उनीहरुको उपचारका क्रममा चितवन मेडिकल कलेजमा ज्यान गएको प्रहरीले जनाएको छ ।
सो घटनामा पर्सा जिल्ला घर भई रत्ननगर नगरपालिका १२ बस्ने वर्ष ३९ का जितेन्द्र महतो र पर्सा जिल्ला घर भई रत्ननगर १२ नै बस्ने ४० वर्षका अंकजप्रसाद थारु घाइते भएका छन् । दुवै जनाको चितवन मेडिकल कलेजमा उपचार भैरहेको छ ।
घटनाकाे अनुसन्धान भैरहेको प्रहरीले जानकारी दिएकाे छ ।