एजेन्सी । प्यालेस्टिनी समूह हमासले विपिन जोशीको शव साेमबार राती इजरायललाई हस्तान्तरण गरेको छ । रेडक्रस मार्फत जोशीसहित ४ जनाको शव इजरायललाई हस्तान्तरण गरेको टाइम्स अफ इसराइलले जनाएको छ ।
बन्धकहरू छाड्ने दिनसम्म विपिन जोशीको स्थिति अज्ञात रहेको उल्लेख गरेको थियो । जोशीलाई पहिले इजरायलले मरेको पुष्टि गरेको थिएन, तर अधिकारीहरूले “गम्भीर चिन्ता ” व्यक्त गरेका थिए ।
हमासले विपिन, योशी शाराबी, गाइ इलाउज र ड्यानियल पेरेजको शव हस्तान्तरण गरेको हो । इजरायली प्रहरी अधिकारीहरूले ४ जना अपहरणकारीहरूको स्पष्ट अवशेष रहेको कास्केटलाई तेल अवीवको अबु काबिर फरेन्सिक इन्स्टिच्युटमा लगेका छन् । उनीहरुले अब पहिचान गर्नेछन् । त्यहाँ शव पहिचान प्रक्रिया सुरू भएको र त्यसका लागि २ दिन लाग्न सक्ने अधिकारीहरूले जनाएका छन् ।
हमासले सम्झौता अनुसार अझै २४ जना मृत बन्धकको शव हस्तान्तरण गरेको छैन । यता इजरायली रक्षामन्त्री इसराइल कात्जले सम्झौताअनुसार मृतक बन्धकरूको शव समयमै हस्तान्तरण नगरे कठोर जवाफ दिने चेतावनी दिएका छन् ।
यता हमासले भने कतिपय शवहरू इजरायली सेनाको उपस्थिति रहेको क्षेत्रमा भएको पनि दाबी गरेको छ ।