फाईल तस्बिर
गोरखा । उत्तरी गोरखाको मनास्लु पद मार्गमा गएका मध्य १ जना पर्यटकको ज्यान गएको छ । भक्तपुरबाट घुम्न आएका ५ जना मध्य १ जनाको ज्यान गएको र अन्य ४ जनाको शकुसल उद्वार गरिएको गोरखा प्रहरीले जानकारी दिएको हो ।
ज्यान गुमाउने ब्यती भक्तपुर जिल्ला मध्यपर थिमी नगरपालिका–५ बस्ने २३ बर्षका रोहन प्रजापति भएको सामागाउँ प्रहरी चौकीले जनाएको छ । रोहनलाई लेक लाग्दा ज्यान गएको प्रहरीको भनाई छ ।
उनी संगै उक्त मार्गमा रहेका अन्य ४ जनालाई भने प्रहरीले शकुसल उद्वार गरेर घर फर्काएको छ । प्रहरीले उद्वार गरेकाहरुमा एकै स्थानका बर्ष २३ का सबिन ठाको, अमित प्रजापति, अनिस शाक्य र रुपेश श्रेष्ठ रहेका छन् । सबैलाई शकुसल भक्तपृुर पठाइएको प्रहरीले जानकारी दिएको हो ।
असोज १७ गते गोरखा प्रवेश गरेका उनीहरु २३ गते बिहीबार धर्मशाला माथी पुग्दा लेक लागेको थियो । दिउसो २ बजे लार्के पास गर्ने क्रममा लेक लागेका रोहनको त्यही ज्यान गएको थियो ।
प्रहरीले उनको शवलाई २४ गते शुक्रबार फिष्टेलको हेली मार्फत कानूनी प्रकृया पुरा गरी पोष्टमार्टमकालागि त्रिवि शिक्षण अस्पताल महाराजगञ्जमा पठाइएको जिल्ला प्रहरी कार्यालय गोरखाले जानकारी दिएको छ ।
