काठमाडौं । सरकारले भूमि समस्या समाधान आयोग र जिल्ला समितिहरू खारेज गर्ने निर्णय गरेको छ ।
सिंहदरबारमा बिहीबार बसेको मन्त्रिपरिषद् बैठकले भूमि समस्या समाधान आयोग गठन आदेश २०८१ बमोजिम गठन भएको आयोग र सबै जिल्ला समितिहरू खारेज गर्ने निर्णय गरिएको सञ्चार मन्त्री तथा सरकारका प्रवक्ता जगदिश खरेलले जानकारी दिए ।
बैठकले इलाम जिल्लालाई ३ महिनाका लागि विपद् संकटग्रस्त जिल्ला घोषणा गर्ने निर्णय पनि गरेको छ ।
बैठकले ४ जना डीआईजीको बढुवा गर्ने निर्णय समेत गरेको छ ।