गोरखा । दशैं सकेर काम फर्कन लागेका यात्रुहरुले टिकट काटे पनि यात्रु अलपत्र परेपछी प्रहरी प्रशासन लगाएर समितिले सवारी नियन्त्रणमा लिन थालेको छ ।
गोरखा बसपार्क क्षेत्र भित्र रहेको माइक्रो काउन्टरबाट राजधानी जान लागेका यात्रुहरुले टिकट काटेर अलपत्र परेपछी समिति आफैले प्रहरी प्रशासन लगाएर माइक्रोलाई नियन्त्रणमा लिन थालेको हो ।
अबिरल बर्षापछी हिजो आइतबारबाट राजधानी जाने बाटो सहज भए संगै माइक्रोबसहरुले बिच बाटोबाटै यात्रु लिएर जान थालेको र महगों भाडा लिएको जानकारी आए लगत्तै समितिले प्रहरी प्रशासन लगाएर माइक्रोलाई नियन्त्रणमा लिन थालेको पृथ्वी राजमार्ग बस सञ्चालक कम्पनी प्रालि गोरखाका सेवा प्रदायक प्रमुख प्रविन बस्नेतले जानकारी दिए ।
उनका अनुसार केही माइक्रो बसहरुले यात्रु संग बढी भाडा असुल गरेर बिच बाटोबाटै राजधानी जान थालेपछी टिकट काटेका यात्रुहरु अलपत्र परेकाले उनीहरुलाई नियन्त्रणमा लिन प्रहरी प्रशासनलाई आग्रह गरिएको हो ।
आज बिहानैदेखी गोरखाबाट राजधानी जाने यात्रुहरुको गोरखा बसपार्कमा भिड लागेको छ । समितिले हिजो भने सरकारी निर्णय अनुसार काउन्टर बन्द गरेर सवारी सञ्चालन बन्द गरेको थियो ।
टिकट काटेर पनी यात्रा गर्न नपाएपछी यात्रु र समितिका कर्मचारीहरु बिच केही बेर भनाभन समेत भएको थियो । अहिले भने टिकट काटेका यात्रुलाई राजधानी तर्फ पठाउन थालिएको समितिले जनाएको छ ।
माइक्रो काउन्टर बाहिर बिहानैदेखी मानिसहरु टिकटको लागी लाम लागेको देख्न सकिन्छ ।