गाेरखा । आज दिउँसो देशभर सामान्यतया बदली भएर केही ठाउँमा वर्षाको सम्भावना रहेको मौसम पूर्वानुमान् महाशाखाले जनाएको छ । अहिले देशभर मनसुनी वायु र स्थानीय वायुको प्रभाव रहेको कारण बदली र वर्षाको सम्भावना रहेको हो ।
महाशाखाका अनुसार आज दिउँसो देशभर साधारणतया बदली हुनेछ । महाशाखाले जारी गरेकाे सूचनामा आज गाेरखा सहित १३ जिल्ला मध्य जाेखिममा रहेकाे छ ।
कोशी, बागमती, गण्डकी र लुम्बिनी प्रदेशका पहाडी र तराईका केही भू–भाग र मधेस प्रदेशलगायत पहाड र तराई भू–भागका थोरै ठाउँमा मध्यम वर्षाको सम्भावना छ । लुम्बिनी प्रदेशका तराई, कर्णाली र बागमती प्रदेशको पहाडी भू–भागका एक–दुई ठाँउमा भारी वर्षाको पनि सम्भावना रहेको महाशाखाले जनाएको छ ।
यसैगरी, आज राति देशभर साधारणतया बदली हुनेछ भने कोशी, गण्डकी र लुम्बिनी प्रदेशका पहाडी र तराई भू–भाग र मधेस प्रदेशका केही ठाउँ तथा बाँकी प्रदेशका पहाडी र तराई भू–भागका थोरै ठाउँमा मध्यम वर्षाको सम्भावना रहेको छ ।आज कोशी, मधेस, बाग्मती, लुम्बिनी र गण्डकी प्रदेशको एक–दुई ठाउँमा अत्यधिक वर्षाको सम्भावना रहेकाले सतर्कता अपनाउन महाशाखाले आग्रह गरेको छ ।