साँकेतिक तस्बिर
झापा । ‘ग्रेण्डर मेसिन’ले आफ्नै खुट्टा काटिँदा झापामा १ व्यक्तिको मृत्यु भएको छ ।
भद्रपुर नगरपालिका–१ का ३५ वर्षीय रमेश परियारको मृत्यु भएको जिल्ला प्रहरी कार्यालय झापाका प्रहरी नायब निरीक्षक चन्द्रकुमारी चेम्जोङले जानकारी दिए ।
सोमबार साँझ परियारले आफ्नै घरमा राँगा काट्ने तयारी गरेका थिए । तर, अचानक आफ्नै बायाँ खुट्टा ग्रेण्डरमा परेपछि उनी घाइते भएका थिए ।
घाइते परियारलाई उपचारका लागि तत्काल विर्तामोडस्थित बिएण्डसी मेडिकल कलेज लगिएको थियो । तर, अत्यधिक रक्तश्रावका कारण गएराति उनको मृत्यु भएको प्रहरीले जनाएकाे छ ।
