काठमाडाैं । जेन-जी आन्दोलनको क्रममा घाइते भएका मध्य थप १ जनाको उपचारको क्रममा मृत्यु भएको छ ।
मृत्तक नुवाकोट पञ्चकन्या गाउँपालिका-२ का ३६ वर्षीय लक्ष्मण राई भएको जिल्ला प्रहरी परिसर काठमाडौंले जनाएकाे छ ।
उनको ट्रमा सेन्टरमा उपचारको क्रममा मृत्यु भएकाे हाे । भदौ २४ गते जेनजी आन्दोलनको क्रममा उनलाई टाउकोमा गोली लागेर घाइते भएका थिए ।
उपचारका लागि ट्रमा सेन्टरको आइसियूमा राखिएको थियो । राईकाे उपचारको क्रममा आइतबार मृत्यु भएको हो ।
योसँगै मृतकको संख्या ७६ पुगेको छ ।