काठमाडाैं । वेस्ट इन्डिजबीचको ३ खेलको टी–२० अन्तर्राष्ट्रिय क्रिकेट शृङ्खलाको पहिलो खेलमा नेपाल विजयी भएको छ । नेपालले वेस्ट इन्डिजलाई १९ रनले हराएको हो ।
नेपालले दिएको दिएकाे १४९ रनको लक्ष्य पछ्याएको वेस्ट इन्डिजले ९ विकेट गुमाएर १२९ रन मात्रै बनाउन सक्यो । वेस्ट इन्डिजका नवीन बिदाईसीले २२, फेबियन एलेन र अमिर जांगुले समान १९ रन बनाए ।
नेपालका कुशल भुर्तेलले २ तथा दीपेन्द्रसिंह ऐरी, करन केसी, नन्दन यादव, ललित राजवंशी र रोहित पौडेलले समान १-१ विकेट लिए ।
त्यसअघि संयुक्त अरब इमिरेट्सको शारजाहमा टस हारेर ब्याटिङ गरेको नेपालले ८ विकेट गुमाएर १४८ रन बनाएकाे थियाे । नेपालका कप्तान रोहितकुमार पौडेलले ३८, कुशल मल्लले ३० र गुलशनकुमार झाले २२ रन बनाए । यो जीतसँगै नेपालले तीन खेलको शृङ्खलामा १–० को अग्रता बनाएको छ ।
नेपालले अन्तर्राष्ट्रिय क्रिकेट काउन्सिल (आईसीसी) को पूर्ण सदस्य राष्ट्रसँग पहिलो पटक द्विपक्षीय शृङ्खला खेलेको हो ।
वेस्ट इन्डिज २ पटकको टी–२० विश्वकप विजेता टोली हो । नेपालले अहिलेसम्म आईसीसीको पूर्ण सदस्य राष्ट्रलाई टी–२० अन्तर्राष्ट्रिय क्रिकेटमा हराउन सकेको थिएन ।
ऐतिहासिक ‘युनिटी कप’ टी–२० शृङ्खला नेपालका लागि आईसीसी टी–२० विश्वकप एशिया छनोटको तयारीका रूपमा रहनेछ । शृङ्खलाको दोस्रो खेल भोलि साेमबार र तेस्रो खेल पर्सि मङ्गलवार हुनेछ ।
तस्वीर : क्यान