कृषि हाट बजारकाे ओैपचारिक उदघाटन गर्दै नगर प्रमुख विवश चिन्तन र उप-प्रमुख बन्दना पाण्डे

गोरखा । गोरखाको पालुङटार नगरपालिकाले पहिलाे पटक कृषि हाट बजार सञ्चालनमा ल्याइएको छ । पालिकाको बिहीबारदेखी वडा नम्बर ४ काे बाह्रपिर्के बजारमा हाट बजार सञ्चालनमा ल्याएकाे हाे ।

हाट बजार व्यवस्थापन समितिमार्फत सञ्चालन गर्ने गरी सञ्चालनमा ल्याएको नगरप्रमुख विवस चिन्तनले जानकारी दिए । सञ्चालित हाटबजार अबदेखि हरेक हप्ताको विहिवार नियमित रुपमा लाग्ने उनले बताए ।

पालुङटारका कृषकहरुले उत्पादन गरेका कृषि उत्पादनलाई बजार पहुँच विस्तार गर्दै उपभोक्तालाई सस्तो तथा ताजा उत्पादन उपलब्ध गराउने साथै नगरक्षेत्र भित्र उत्पादित कृषिजन्य बस्तुको बजार व्यवस्थापनमा हाटबजारले सहयोग पुग्ने उनको भनाई छ ।

उक्त हाटबजारमा कृषकहरूले उत्पादन गरेका तरकारी, फलफूल, अन्नबाली, जडीबुटी, मसला, कुखुरा, खसीबोका लगायतका कृषि उपज बिक्री वितरण गरिनेछ । साथै नगरपालिकाका लघु उद्यमीहरुले तयार गरेका सामग्री तथा परिकारहरू पनि हाटबजारमा बिक्रीका लागि राख्ने व्यवस्था मिलाइएको उनले बताए ।

स्थानीय उत्पादन बृद्धि गर्दै कृषकलाई लाभ दिलाउने उद्देश्यले हाटबजार सञ्चालनमा ल्याइएको हो ।

लेखकबाट थप:

• पहिरो र बाढीका कारण देशभरका कुन कुन सडक अवरुद्ध छन् ?
• नेपाल राष्ट्र बैङ्कले बुधबारकाे लागि निर्धारण गरेकाे विदेशी मुद्राको विनिमयदर
• आजकाे माैसम : कोशी, बागमती र गण्डकीका केही स्थानमा भारी वर्षाको सम्भावना
• साताकाे तेस्राे दिन पनि सुन चाँदिकाे मूल्य घट्याे (कतीमा काराेबार हुदै छ)
• आजदेखि मुस्ताङकाे घरपझोङमा जलवायु सम्मेलन हुदै