काठमाडाैं । साफ १७ वर्षमुनिको च्याम्पियनसिपमा नेपाल सेमिफाइनलबाटै बाहिरिएको छ । कोलम्बो रेसकोर्स मैदानमा हिजो भएको दोस्रो सेमिफाइनलमा भारतसँग ३–० गोलले पराजित हुँदै नेपाल अन्तिम ४ बाट बाहिरिएको हो ।
भारतको जितमा गुनलेइबा वाङखेरकपाम, अजलान शाह र डाइमन्ड सिंह थोक्चोमले समान १-१ गोल गरे । पहिलो हाफ गोलरहित बराबरी सकिएको थियो । तर, खेलको ६१औँ मिनेटमा वाङखेरकपामको गोलमार्फत भारतले अग्रता लियो ।
८०औँ मिनेटमा अजलानले अग्रता दोब्बर बनाएका थिए । इन्जुरी समयको चौथो मिनेटमा थोक्चोमले गोल गर्दै ३–० को सहज जित दिलाए ।
तस्वीर : एन्फा