काठमाडौं । चन्द्रागिरि नगरपालिका–६ चेकपोष्ट महादेवस्थान घर भएकी ६८ वर्षीया पवित्रा केसी हत्याको जग्गाकाे साँध सिमाना बिवादमा भएकाे खुलासा भएकाे छ ।
प्रहरीले शंकाकाे आधारमा पक्राउ परेका ब्यतीलाई सोधपुछ गर्दा जग्गाको सिमाना विवादमा हत्या भएको खुलेको हो ।
प्रहरी वृत्त थानकोटकी प्रहरी नायब उपरिक्षक एलिजा गिरीका अनुसार ६८ वर्षीया केसी हत्यामा प्रहरीले सुरुमा चन्द्रागिरिको थापागाउँका ३२ वर्षीय सरोज थापालाई पक्राउ गरेको थियो । अहिले उनकी आमा गंगा थापालाई पनि प्रहरीले पक्राउ गरेको छ ।
बुधबार चन्द्रागिरि नगरपालिका–६ चेकपोस्ट महादेवस्थान घर भई खहरे थापागाउँ माइतीघरमा बसेकी ६८ वर्षीया केसीको हत्या भएको थियो ।
प्रहरीकाे प्रारम्भिक अनुसन्धानमा आमाछाेराले दाउराको चिर्पटले टाउकामा हानेर हत्या गरेकाे खुल्न आएकाे पनि प्रनाउ गिरीले जानकारी दिइन ।