काठमाडाैं । प्रधानमन्त्री सुशीला कार्कीले आज देशका नाममा सम्बोधन गर्दै छन् । प्रधानमन्त्री तथा मन्त्रिपरिषद्को कार्यालयका अनुसार आज दिउँसो ४ बजे मन्त्रिपरिषद्को बैठक बस्ने र बेलुकी ६ बजे प्रधानमन्त्री कार्कीले देशका नाममा सम्बोधन गर्ने कार्यतालिका तय भएको छ ।
‘जेनजी’ आन्दोलनपछि गठित अन्तरिम सरकारको नेतृत्व गरेकी प्रधानमन्त्री कार्कीले पहिलो पटक देशका नाममा सम्बोधन गर्न लागेकी हुन् । गएको भदौ २७ गते पूर्वप्रधानन्यायाधीश कार्की प्रधानमन्त्रीमा नियुक्त भएका थिए ।
भदौ २३ र २४ गते भएको जेनजी आन्दोलनको जगमा अन्तरिम सरकार गठन भएको थियो । प्रधानमन्त्री कार्की नेतृत्वको अन्तरिम सरकारले प्रतिनिधिसभा विघटन गरी आउँदो फागुन २१ गते निर्वाचनको घोषणा गरेको छ ।