गाेरखा । गाेरखामा दशैं, तिहार पर्वका बेला यात्रुहरूलाई सुरक्षित यात्राको व्यावस्था मिलाउन नागरिक सहायता कक्षको स्थापना गरिएको छ ।
जिल्ला प्रहरी कार्यालय र जिल्ला ट्राफिक प्रहरी कार्यालय गाेरखाले नागरिक सहायता कक्षको स्थापना गरेकाे हाे ।
जिल्ला सदरमुकामको कालिमाटी बजार, १२ किलाे बजार र आरुघाटमा नागरिक सहायता कक्षको स्थापना गरिएको जिल्ला प्रहरी कार्यालय गाेरखाका प्रहरी नायब उपरीक्षक एवं सूचना अधिकारी ईन्द्र प्रसाद सुवेदीले बताए ।
सहायता कक्षको स्थपाना गर्दै उनले गाेरखाका यातायात ब्यवासायी तथा चालक संग अन्तरक्रिया गरेर सुरक्षित यात्राको सचेत पूर्वक सवारी सञ्चालनमा जाेड दिए ।
चाडबाडको समयमा अत्यधिक भिड हुने ति क्षेत्रहरुमा नागरिकको सहजताको लागि सहायता कक्ष स्थापना गरिएको उनले जानकारी दिए ।
यात्रा गर्दा नागरिकले अनावश्यक सास्ती भोग्नुपर्ने, लुटिने तथा कुटिने चर्को मूल्य तिर्नु पर्ने समेतका घटनालाई मध्यनजर गरी नागरिक सहायता कक्ष स्थापना गरिएको हो ।
यो अवधिमा जाँच, ओभर लोड र मापसे जाँचलाई कडाइका साथ लैजाने उनले बताए ।