गोरखा । नेपाल बाल संगठन जिल्ला कार्य समिति गोरखाको अध्यक्षमा प्रताप ढकाल चयन भएका छन् । जिल्ला सभा तथा अधिवेशनले अध्यक्षमा सर्वसम्मत रुपमा ढकाललाई चयन गरेकाे हाे ।
नवगठित समतिको उपसभापतिमा प्रभुराम भट्ट, सचिवमा शर्मिला घिमिरे कार्की, कोषाध्यक्षमा ज्योती कोइराला चयन भएका छन् ।
त्यस्तैगरी, सदस्यमा हरी सिखडा, प्रेमध्वज थापा, बालकृष्ण परियार र शान्ता रोका चयन भएका छन् ।
नेपाल बाल संगठनका केन्द्रीय कोषाध्यक्ष देउमान विष्टकाे प्रमुख आतिथ्यतामा सम्पन्न भएको अधिवेशनमा जिल्लाभरिबाट आएका ५१ जना जिल्ला सभा सदस्यहरूको सक्रिय सहभागिता रहेको थियाे ।
अघिवेशनको उद्घाटन कार्यक्रममा बोल्दै प्रमुख अतिथि देउमान विष्टले बाल संगठन मुलुकभरका बालबालिकाको हकहित संरक्षण, अधिकार अभिवृद्धि र प्रतिभा विकासका लागि अग्रसर हुँदै आएको बताए ।
नेपाल बाल संगठन गोरखा जिल्लामा विगतदेखि नै बालअधिकार, शिक्षा, स्वास्थ्य र सामाजिक सचेतनामूलक कार्यक्रम सञ्चालन गर्दै आएको छ ।
नयाँ नेतृत्व चयनसँगै संगठनले जिल्लामा बालबालिकाको हितमा थप प्रभावकारी कार्यक्रम ल्याउने अपेक्षा गरिएको छ ।
