मुग्लिन । ४६ घण्टापछि अवरुद्ध मुग्लिन-नारायणगढ सडक एकतर्फी सञ्चालनमा आएको छ । मुग्लिन बजार नजिकैको तुइनखोलामा माथिबाट खसेको पहिरो केही बेरअघि हटाएसँगै सडक एकतर्फी खुलेको पत्रकार बिनाेद श्रेष्ठले जानकारी दिए ।
अहिले मुग्लिनबाट चितवन र चितवनबाट मुग्लिन बजार तर्फ आउदै गरेकाे सवारीलाई पालैपालाे आउन जान दिइएकाे पत्रकार श्रेष्ठले जानकारी दिए ।
सडक दुईतर्फी नै खुलाउन पहिरो पन्छाउने काम निरन्तर गरिरहने सडक डिभिजन कार्यालय भरतपुर चितवनले जनाएको छ । अहिले सडक खुलेपछि रोकिएका गाडी र यात्रु विस्तारै गन्तव्यतर्फ लाग्न थालेका छन् । गाडी चालकलाई हतार नगर्न र लेन अनुशासनकाे पालन गर्न डिभिजन सडक कार्यालयले आग्रह गरेको छ ।
शुक्रवार साँझ ७:१५ बजेदेखि मुग्लिन–नारायणगढ सडक अवरुद्ध भएको थियो । सडककाे अवस्था हेरेर राती ९ बजेपछी भने सवारी सञ्चालनकाे बारेमा निर्णय लिइने जिल्ला ट्राफिक प्रहरी कार्यालय चितवनले जानकारी दिएकाे छ । कार्यालयका अनुसार ढुङा खस्ने क्रम राेकियाे भने सवारी २४ सैं घण्टा सञ्चालनमा आउने छ ।
तस्बिर पत्रकार बिनाेद श्रेष्ठ मुग्लिन बजार
