मुग्लिन । मुग्लिन–नारायणगढ सडक खाेल्ने प्रयास बिफल भएकाे छ । पहिलाे ठूलाे भएकाे र माथीबाट झर्ने क्रम नराेकिएकाेले आज सडक सुचार गर्न असम्भव भएके हाे ।
शुक्रबार साँज ७:१५ बजेतिर चितवनको इच्छाकामना गाउँपालिका–६ मा पर्ने तुइन खोलामा खसेको पहिरोले सडक अवरुद्ध भएपछी पटक पटक खाेल्ने प्रयास असफल भएकाे छ । पहिराे पन्छाउन मेशिन प्रयाेग गरिएकाे भएता पनि पहिराे ठूलाे भएकाेले आजै पन्छाउन असम्भव भएकाे सडक डिभिजन कार्यालय भरतपुर चितवनले जनाएको छ ।
सुरक्षा जोखिमका कारण हेर र काम गरकाे नीति लिइएकाे मुग्लिन प्रहरीले जनाएकाे छ । सडक अवरुद्ध हुँदा भरतपुरबाट मुग्लिन तर्फ आएका र मुग्लिन हुदै भरतपुर तर्फ जाने लागेका यात्रु र सवारी बीचबाटोमै अलपत्र परेकाे छ ।
अलपत्र यात्रु तथा सवारी चालक, सहचालक तथा सुरक्षामा खटिएका सुरक्षाकर्मीहरुलाई ईच्छा कामना जेसिजकाे समन्वयमा आर्थिक सहयाेग जुटाएर पानी र खाजाकाे ब्यवस्था मिलाएकाे पत्रकार बिनाेद श्रेषले जानकारी दिए । उनका अनुसार काम तिब्र गतिमा भएता पनि साँझसम्म बाटाे सुचारु हुने कुनै लक्ष्यण छैन ।
प्रहरी र सडक कार्यालयले सवारीलाई वैकल्पिक सडक प्रयोग गर्न आग्रह गरिएको छ । विकल्पमा पूर्वबाट आउने साना गाडीले हेटौँडा–कुलेखानी र पश्चिमबाट आउने गाडीले कालिगण्डकी करिडोरको सडक अवस्था हेरेर प्रयोग गर्न सक्ने सडक डिभिजन कार्यालय भरतपुरका ईन्जिनियर कृष्णप्रसाद आचार्यले बताए ।
