मुग्लिन । हिजाे रातीकाे पहिरोका कारण मुग्लिन–नारायणगढ सडक अहिलेसम्म बन्द छ । हिजो बेलुका ७:१५ बजेतिर चितवनको इच्छाकामना गाउँपालिका–६ मा पर्ने तुइन खोलामा खसेको पहिरोले सडक अवरुद्ध भएको हो ।
बिहानैदेखी सडक माथिबाट ढुङ्गा पन्छाउने काम भएतापनि पहिरो झर्ने क्रम नरोकिएकोले कति बेला खुल्ने हाे अझै अनुमान लगाउन सकिएकाे छैन ।
सडक डिभिजन कार्यालय भरतपुर चितवनले दिएकाे जानकारी अनुसार पहिरो पन्छाउन उपकरण तयारी अवस्थामा छ तर माथीबाट पहिराे खस्ने क्रम जारी रहेकाेले सुरक्षालाई ध्यानमा राखेर तत्काल खटाउन नसकिएको हाे ।
सुरक्षा जोखिमका कारण गएराति पनि काम हुन सकेको थिएन । मुग्लिन प्रहरीका अनुसार सडक खुलाउन कम्तीमा पनि ५ घण्टा नै लाग्ने अनुमान छ । रातभर सडक अवरुद्ध हुँदा गन्तव्यमा हिँडेका यात्रु बीचबाटोमै अलपत्र परेका छन् ।
प्रहरीले सकेसम्म सवारी र यात्रुलाई वैकल्पिक सडक प्रयोग गर्न आग्रह गरिएको छ ।