फाईल तस्बिर
मुग्लिन । पहिरोका कारण मुग्लिन–नारायणगढ सडक पूर्णरुपमा बन्द छ । हिजो बेलुकी ७:१५ बजे चितवनको इच्छाकामना गाउँपालिका-६ मा पर्ने तुइन खोलामा खसेको पहिरोले सडक अवरुद्ध भएको हो ।
माथिबाट पहिरो आउने जोखिम कायमै रहेकोले राति सडक खुलाउन नसकिएको मुग्लिन प्रहरीले जनाएको छ ।
प्रहरीका अनुसार अहिले उज्यालो भए लगत्तै पहिरो पन्छाउने काम सुरु गरिएकाे छ । तर माथिबाट पहिरो खसिरहेकाले सडक खुलाउन समय लाग्ने प्रहरीको भनाइ छ ।
रातभर सडक अवरुद्ध हुँदा गन्तव्यमा हिँडेका यात्रु र सवारी साधन बीचबाटोमै अलपत्र परेका छन् ।