काठमाडाैं । केही दिनदेखि सक्रिय मनसुन कमजोर बन्दै गएको छ । आज ठूलो पानी पर्ने सम्भावना कम रहेको जल तथा मौसम पूर्वानुमान महाशाखाले जनाएको छ ।
सुदूरपश्चिमबाहेक अरू प्रदेशका केही स्थानमा अहिले बिहान हल्का वर्षा भैरहेको छ । बिहान सुर्खेत, रूकुम, म्याग्दी, कास्की, सिन्धुपाल्चोक, दोलखा, ताप्लेजुङलगायतका जिल्लामा सामान्य वर्षा भएको छ ।
देशका धेरै ठाउँमा बिहानैदेखी घाम लागेको छ । आज दिउँसो कोशी, मधेश र बागमती प्रदेशका धेरै ठाउँमा हल्कादेखि मध्यम वर्षा तथा गण्डकी, लुम्बिनी र कर्णाली प्रदेशका केही स्थानमा हल्का वर्षाको सम्भावना छ ।
आज राति कोशी, मधेश, बागमती र गण्डकी प्रदेशमा साधरणतया बदली रही बाँकी भागमा आंशिक बदली रहने अनुमान छ ।