काठमाडौं । जेन-जी आन्दोलनका क्रममा गत भाद्र २४ गतेको सिंहदरबार परिसरभित्र आगजनी गरिएका गाडीहरु हटाउने काम सुरु भएको छ ।
आन्दोलनकारीले विभिन्न मन्त्रालय र सरकारी कार्यालयमा आगजनी गर्दा क्षतिग्रस्त भएका सयौं गाडीहरू अब नयाँ बानेश्वरस्थित वीरेन्द्र अन्तर्राष्ट्रिय सम्मेलन केन्द्रको परिसरमा राखिने भएका छन् ।
हाल ऊर्जा, जलस्रोत तथा सिंचाइ मन्त्रालय परिसरमा जलेका गाडीहरू हटाउने काम भइरहेको छ । मन्त्रालय स्रोतअनुसार, केही दिनभित्रै सिंहदरबारभित्र रहेका सबै जलेका गाडीहरू हटाइने छ।
