प्रतिकात्मक तस्बिर
गोरखा । पालुङटार नगरपालिकाको एक धान खेतमा महिलाको मृत शरिर फेला परेको छ ।
मृत महिला पालुङटार नगरपालिका–४ को कुमाल गाउँकी ४५ बर्षिया धनमाया थापा भएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी ईन्द्र प्रसाद सुवेदीले जानकारी दिए ।
उनका अनुसार थापाको शव हिजो सोमबार बिहान ९ बजे धान खेतमा फेला परेको हो ।
आइतबार दिउसो ३ बजे दौलियाँ फाँटमा रहेको धान खेतमा धान गोड्न भनि गएका उनी राती अबेरसम्म पनि नफर्किएपछी आफन्तहरुले खोजतलास गर्दा धान खेतमा मृत अवस्थामा देखेपछी प्रहरीलाई खबर गरेका थिए ।
स्थानिय गोबिन्द पाण्डेको धान खेत अधियाँमा काम गरेकी थापाको खेतको आलिमा मृत अवस्थामा फेला परेको हो ।
थापाको शव पोष्टमार्टम पछी आफन्तको जिम्मा लगाएको र घटनाको अनुसन्धान सुरु गरीएको सूचना अधिकारी सुवेदीले बताए ।
