एजेन्सी । इजरायली सेनाले गाजा सिटीमा आक्रमण गर्दा एकैदिन ५३ जना प्यालेस्टिनीको मृत्यु भएको छ । आक्रमणमा ३ वटा आवासीय टावरसहित जम्मा १६ भवन पूर्ण रुपमा क्षति भएको अल जजिराले जनाएको छ ।
गाजामा मात्र ३५ जनाको मृत्यु भएको स्वास्थ्यकर्मीहरूले बताएका छन । भोकमरीका कारण थप २ जनाको मृत्यु गएसँगै युद्ध शुरू भएदेखि अहिलेसम्म कुपोषणका कारण मृत्यु हुनेको सङ्ख्या ४२२ पुगेको गाजाको स्वास्थ्य मन्त्रालयले जनाएको छ ।
इजरायली सेनाले गाजा सिटीको रेमाल क्षेत्रमा रहेको अल–काउथर टावरलाई निशाना बनाउँदै आक्रमण गरेको हो । लगातारको बमबारीका कारण लाखौ मानिस विस्थापित भएको खबरमा उल्लेख छ ।