काठमाडाैं । अन्तरिम सरकारका प्रधानमन्त्री सुशीला कार्कीले आज पदबहाली गर्दै छन् । आज बिहान ११ बजे प्रधानमन्त्री कार्कीले पदबहाली गर्ने कार्यक्रम तय गरिएको हो ।

नयाँ प्रधानमन्त्री कार्कीलाई सिंहदरबारको पुरानो गृह मन्त्रालय परिसरमा बनेको नयाँ भवनमा स्वागत गर्न सरकारी उच्च कर्मचारीलाई बिहानै बोलाइएको छ । प्रधानमन्त्रीका लागि कार्यकक्ष तयार भइरहेको छ । प्रधानमन्त्री कार्की अस्ति शुक्रवार बेलुकादेखि नै प्रधानमन्त्री निवास बालुवाटारमा बस्न थालिसकेका छन् ।

प्रधानमन्त्री कार्यालयका अनुसार पुरानो मन्त्रिपरिषद् तथा प्रधानमन्त्रीको कार्यालयमा आगजनी हुँदा नजलेका र जोगिएका सरसामान प्रधानमन्त्रीको नयाँ कार्यालयमा लगेर प्रयोग गरिएको छ । नयाँ भवनको सरसफाइ, आन्तरिक सजावट तथा अन्य व्यवस्थापन भइसकेको छ ।

पूर्वप्रधानन्यायाधीश कार्की शुक्रबार अन्तरिम सरकारको प्रधानमन्त्रीमा नियुक्त भएका थिए । उनले आजसम्ममा मन्त्रिपरिषद् विस्तार गर्ने तयारी गरेका छन् । त्यसका लागि पनि आन्तरिक छलफल र भेटघाट चलिरहेको छ ।

लेखकबाट थप:

• महिनाकाे अन्तिम दिनमा सुन चाँदिकाे मूल्य बढ्याे
• आज गाेरखा सहित २२ जिल्लामा आकस्मिक बाढीको जोखिम
• पहिरो र बाढीका कारण देशभरका कुन कुन सडक अवरुद्ध छन् ?
• नेपाल राष्ट्र बैङ्कले बुधबारकाे लागि निर्धारण गरेकाे विदेशी मुद्राको विनिमयदर
• आजकाे माैसम : कोशी, बागमती र गण्डकीका केही स्थानमा भारी वर्षाको सम्भावना