काठमाडाैं । काठमाडाैं, ललितपुर र भक्तपुरमा कर्फ्यू र निषेधाज्ञा हटेको छ । तीनवटै जिल्लाका प्रशासन कार्यालयले सूचना निकालेर सुरक्षा विश्लेषणका आधारमा लगाइएको कर्फ्यू र निषेधाज्ञा हटाइएको जनाएका छन् ।
काठमाडाैंमा निषेधित क्षेत्रसम्बन्धी आदेश भने कायमै राखिएको छ । सुरक्षा संबेदनशिलताका आधारमा काठमाडाैंले विभिन्न ठाउँलाई प्रदर्शन गर्न नपाइने क्षेत्र घोषणा गरेको छ ।
सडकमा तैनाथ नेपाली सेना ब्यारेक फर्कीए लगत्तै नेपाल प्रहरी र सशस्त्र प्रहरी बलले सुरक्षा दिन थालेका छन् । ट्राफिक प्रहरी पनि काममा फर्किएका छन् । पसल तथा होटललगायतका क्षेत्र पनि खुलेका छन् । सडकमा चहलपहल देखिन थालेकाे छ ।
नयाँ सरकार गठन भएसँगै आम नागरिकको जनजीवन सामान्य बन्न थालेको छ । देशभरको जनजीवन सामान्य बन्दै गएको छ । जेन–जीको आन्दोलन र असहज अवस्थापछि विभिन्न क्षेत्रमा लगाइको कर्फ्यू र निषेधाज्ञा धेरैजसो क्षेत्रमा हटेको छ ।
अब स्थानीय प्रशासनले आवश्यकताको आधारमा निर्णय गर्न सक्ने नेपाली सेनाले जनाएको छ । प्रशासनले जस्तो सुकै परिस्थितिमा पनि आम नेपालीहरूको सुरक्षा र मानवीय उद्धारमा प्रतिवद्ध रही जिम्मेवारी निर्वाहमा सक्रिय सुरक्षाकर्मीहरूलाई सहयोग पुर्याउन समेत अनुरोध समेत गरेको छ ।