धरान । जेनजीको आन्दोलनका क्रममा अराजक समूहले आगजनी गरेको भाटभटेनी सुपरमार्केटको धरान शाखामा ४ जनाको शव फेला परेको छ ।
मंगलबार अराजक समूहले लगाएको आगो अझै निभेको छैन । शुक्रबार दिउँसो दोस्रो तल्लामा एउटा र तेस्रो तल्लामा ३ जनाको शव भेटिएको धरान प्रहरीले पुष्टी गरेकाे हाे ।
इलाका प्रहरी कार्यालय धरानका प्रहरी नायब उपरिक्षक प्रकाश जवेगुका अनुसार जलेको अवस्थामा भेटिएको शवको पहिचान खुल्न सकेकाे छैन ।
शव भाटभटेनीमा लुटपाट गर्न गएकाहरुको रहेको हुन सक्ने आशंका गरिएकाे छ । शव पूर्णरूपमा जलेका कारण लिंग छुट्टाउन नसकिएकाे उनले बताए ।