गोरखा । जिल्ला प्रशासन कार्यालय गोरखाले सूचना जारी गर्दै सभा, सम्मेलन तथा जुलुस नगर्न र ५ जनाभन्दा बढी भेला नहुन भनेको छ ।
सहायक प्रमृुख जिल्ला अधिकारी चित्राङ्गत बरालद्वारा जारी सूचनामा सभा, सम्मेलन तथा जुलुस नगर्न र ५ जनाभन्दा बढी भेला नहुन भनेको हो ।
‘मुलुकभर रहेको असामान्य परिस्थितिको कारण गोरखा जिल्ला भर लागु हुने गरी मिति २०८२ भाद्र २६ गते बिहान ११ः०० बजेदेखी बेलुका १८ः०० बजेसम्म तपसिल बमोजिम कार्य नगर्न/नगराउनु हुन सम्वन्धित सबैको जानकारीकोलागि यो सूचना जारी गरिएको छ’ भनिएको छ ।
जारी सूचनामा ५ जना भन्दा बढीको संख्यामा ब्यक्तिहरु रहने गरी भेला जम्मा लगायत कुनै पनि कार्य नगर्ने, कुनै पनि सभा, सम्मेलन तथा जुलुस नगर्ने र शान्ति सुरक्षालाई खलल् पार्ने खालका कुनै पनि गतिविधिहरु नगर्ने भनिएको छ ।
अत्यावश्यक बाहेकका सवारीमा बन्देज
प्रशासनले जारी गरेको सूचना बमोजिम अत्यावश्कय सेवाका एम्बुलेन्स, शव वाहन, दमकल, सुरक्षाकर्मी, स्वास्थ्यकर्मी र संचारकर्मीका साथै खाद्यान्न, इन्धन, दुध, तरकारी, पानी र औषधी ओसारपसार गर्ने सवारी साधनहरु बाहेक अन्य सवारी साधन सञ्चालनमा रोक लागएको छ ।
अत्यावश्यक सवारी साधन पनि सुरक्षाकर्मीबाट सहजीकरण हुने गरी मात्र संञ्चालन गर्न पाउने सहायक प्रमुख जिल्ला अधिकारी बरालले जानकारी दिए ।
