काठमाडाैं । आज कोशी, बागमती र गण्डकी प्रदेशका पहाडी भेगका केही स्थानमा ठूलो पानी पर्ने सम्भावना रहेको मौसम पूर्वानुमान महाशाखाले जनाएको छ ।
दिउँसो मधेस प्रदेशलगायत बाँकी पहाडी र तराई भूभागका केही ठाउँमा मध्यम वर्षाको सम्भावना रहेकाे महाशाखाले जनाएकाे छ ।
आजराति कोशी, बागमती र गण्डकी प्रदेशका पहाडी भेगका केही ठाउँमा र बाँकी प्रदेशका पहाडी तथा तराई भेगका केही ठाउँमा मध्यम वर्षाको सम्भावना छ ।
यस्तै राति कोशी, बागमती र गण्डकी प्रदेशका पहाडी भागका केही स्थानमा ठूलो वर्षाको सम्भावना रहेको महाशाखाले जनाएको छ । अहिले मनसुनको न्यूनचापीय रेखा पश्चिममा सरदरभन्दा दक्षिणतिरकाे पनि महाशाखाले जनाएकाे छ ।
यो समयमा पहिरो तथा गेग्रानको जोखिम रहेको, ठूला तथा साना नदीनाला र खोलाहरूमा पानीको सतह बढ्न सक्ने तथा यातायात क्षेत्र प्रभावित हुन सक्ने भन्दै सतर्कता अपनाउन महाशाखाले आग्रह गरेको छ ।