गाेरखा । राजधानीकाे गाेठाटारमा ट्रकले ठक्कर दिदा गाेरखा घर भएकी जिरादेवी दानीकाे मृत्यु भएकाे छ ।
कागेश्वरी मनोहरा नगरपालिका-८ गोठाटारस्थित सडकमा पहेलो पुलबाट जम्बुडाँडा तर्फ जाँदै गरेकी उनलाई बा.५ ख ३२३९ नम्बरको ट्रकले ठक्कर दिएकाे थियाे ।
काठमाडौंकाे चाबहिल बस्ने ५८ वर्षीया दानीको शनिबार बिहान मृत्यु भएको हाे ।
ठक्करबाट गम्भीर घाइते भएकी उनको जोरपाटीस्थित शंखरापुर अस्पतालमा उपचारको क्रममा मृत्यु भएको प्रहरीले जनाएकाे छ ।
ट्रक चालकलाई प्रहरीले नियन्त्रणमा लिएर अनुसन्धान सुरु गरेकाे पनि प्रहरीले जानकारी दिएकाे छ ।